رواية حبيبي المدير الفصل السادس والعشرون بقلم شيماء صبحي
المحتويات
شوقي اټصدم وقال برجاء لا يا باشا الا بنتي انا موافق اعمل اي حاجه علشانها دي هيا اللي ليا
ياسر ابتسم وقال يبق تنفذ اللي طلبته منك وتبطل التصرفات العبيطه دي كلها وتشوف شغلك كويس
شوقي بصله وقال بحزن يعني انفذ يباشا
ياسر بضيق انجز ونفذ
شوقي حرك راسه بالموافقه وقال حاضر ياباشا الخبر هيكون عندك بكرا
ياسر بضيق منه قال لا انا عاوز الخبر يجيلي النهارده ويكون علي كل منصات التواصل الاجتماعي انت فاهم يا شوقي..
شوقي قال كلامه وخرج من مكتب ياسر واتجه لخارج الشركه وفي الداخل كان قاعد ياسر وهوا متعصب وبيقوليا انا يا انت يا ماهر يا صياد!
اتجه شوقي بعربيته في اتجاه الشركة لانه عارف ان حمزه موجود هناك ولسا مخرجش وقرر انه يخبطة بالعربيه ويهرب ويكون نفذ المطلوب منه ..
وفي بيت حنين كانت رجعت من مدرستها بتعب لانها اضطرت تمشي المسافه اللي بين مدرستها وبيتها لان فلوسها خلصت ومقدرتش تركب موصلات..
والدتها قالت بتساؤل وقلق علي حال بنتها مالك يا حنين بتنهجي كدا ليه وليه وشك احمر بالشكل دا..
حنين بصت لوالدتها بتعب وقالتمفيش يا ماما انا بخير هو بابا هنا
والدتها بابتسامه لا ابوكي خرج تعالي بسرعه علشان ناكل اصل في واحده جارتنا بعتتلنا اكل النهارده وانا عارفه انك بتحبي الاكله دي..
حمزه الصغير اخوها خرج من اوضته وقال وهو بيقرب من اخته حنين شوفتي جارتنا جابتلي ايه ..رفع الطفل لعبه قديمه بفرحه وهو بيبص لاخته واللي زعلت ان اللعبه قديمه ولاكنها فرحت ان اخوها فرحان..
حمزه جري من قدامها وهو بيضحك وبيرجع تاني علشان يكمل لعب..
والدة حنين طلعت من المطبخ وهيا شايله طبق كبير من الألمونيوم وكان فيه أكل وقربت من بنتها وهيا بتقول بابتسامه شوفي يا حنين شوفي الاكل ريحته حلوة اوي ازاي..
حنين شمت ريحة الأكل بجوع شديد فحركت راسها وقالت بابتسامه حزينه فعلا يا ماما ريحته حلوه..
حمزه جري بسرعه عليهم وقرب من اخته وقعد جمبها ياكل ..حنين بصت لوالدتها اللي بتبص عليهم وساكته وقالت بتساؤل مش بتاكلي ليه يا ماما
ابتسمت حنين وحركت راسها وبدات تاكل ولاكن مقدرتش تتجاهل نظرات والدتها للأكل فقربت منها قطعة من اللحم وقالت ماما كلي دي علشان خاطري انا عارفه انك شبعانه بس شاركينا الاكل دا طعمه حلو اوي وانتي كمان بتحبيه زي بالظبط..
والدتها ابتسمت بفرحه وحركت راسها بالموافقه وقربت منهم وقعدت جمبهم وبدأت تاكل معاهم وحنين ابتسمت علي حركات والدتها ولاكنها كانت متفهماها فقالت بتساؤل صحيح مين جارتنا دي يا ماما اللي كل يوم بتجبلنا أكل..
والدتها بصتلها وقالتروعة !!خالتك روعة اللي في الشارع اللي ورانا ربنا يصلح حالها والله ست جدعه ..حنين كانت مصدومه لسماعها لكلام والدتها وكانت بتبصلها وساكته ووالدتها كملت وقالت سمعت منها ان ليها بنتك زميلتك خلي بالك منها يا حنين واوعي لا سمح الله تتخانقي معاها او حاجه لأحسن امها تقطع يا حبيبتي معانا واحنا يدوبك عايشين
متابعة القراءة
